做人最緊要是目訓口岩人

近幾日令我最發人深省的說話，就是剛剛的週末，律師S所說的人生哲理。
甚麼人生哲理？就是「做人最緊要是目訓口岩人」。

話說當時我與大人、牛太和律師S正在四方城殺得天昏地暗，而電視正播著某國內出身的國際女紅星的訪問，突然律師S爆出以上這句說話，頓時全人類笑到碌地。
然而，當大家想深一層，大家都認同這句說話的玄機，就更加覺得好笑。
八掛新聞裡，女明星陪客的新聞多的是，當中相信亦有一定比例是真，所以對於這類傳聞，我們這類成年人，亦見怪不怪，亦自動會選擇一些去相信，一些半信半疑。

對於此女紅星，本人對其樣子和演技亦有一定認同，然而一個年輕女子，要那麼短時間能飛黃騰達，絕對要「做得」積極一點和靠一點運氣。可是，正宗是人做你做，點解佢是國際紅星，而其他是二打六呢？

除了女紅星演技好，我相信識揀人去目訓亦是重要因素。
係唔係都搞，賤貨，最多做下花瓶；
個個也不買帳，高竇，國內成千上萬新女星，人地點解要捧你？無人捧你出台前，點紅？
令人目訓完留下深刻印象，想一目訓再目訓，才更加厲害。

所以要紅得快，不是不目訓，是要識揀來目訓。咁如果要揀，又點揀呢？千祈唔好問我，因我都研究梗。（大人，放心！我只是研究生，不懂實習 :P）

這個引子可能長了一點，但是識揀人去目訓，想深一層，的確會影響你的一生。
唔好講要做紅星，即使做人，如果你揀口岩人目訓，可能廿餘歲就可退休，樂而無憂。如果揀錯人，可能要捱到八十歲，所以「做人最緊要是目訓口岩人」。

既然人人都要目訓，咁緊要的東西，當然要想清楚，好好學習，從成功人士身上偷師。
千衹唔好與不同的人目訓得太濫，因為怕被人定為賤貨，永不番身；
另外，每同一個新人物目訓，其實也改寫你的履歷，當然越做越高級和越做越大間會好一點。
上一個年青有為又年薪過百萬，下次就要找千萬富豪了！否則便難以令人信服。
履歷上如果有空心老官，便被人覺得蠢。
履歷上有破產和犯罪紀錄，便被人覺得你大洗、唔好腳頭或好人有限。
一夜情和拍散拖，便如兼職太多和轉工太密，做事不集中，好難令有料之人賞識。
當然目訓得令上等貨回味無窮，願意目訓足一世，便算登峰造極。
所以，無論任何人，都要想清楚先好目訓。

另一方面，無論男女，請不要以為你真的可以洗底。要認真同你發展的人，一定想了解你多一點，包括你的過去。如果他不介意，一是你中了六合彩，一是他不懷好意，想在你身上找著數。

但現實最慘是，你未以為你一定好多貨揀和好多時間揀，因好貨在市面流通不多，同時你揀人，人地也揀，所以要揀到好貨，都有D運氣成份。因此，即使出身未算清白的女星，相信仍然有十分多人佩服，至少佢比好多年輕人早認定目標，並尋找到最快的道路。

現在大家知道點解父母叫子女不要早拍拖，不是因為怕拍拖會妨礙學業，反而是怕你文智未開，目訓錯人，影響一生，浪費了他的學費。可能日後的三三制，會加多一課，教你揀人目訓，幫助學子了解這句金句的意義呢！