萬九雲霄

「你有無抽xxxx？」
「依家仲追唔追得過yyyy?」
「我收到風zzzz又有大Master入股播！」

最近在人們口中，最經常聽到的話題都不離股市，問你驚未？

對於現時的股市，老實說，我實在看不明。周街股神、輪神，個個都話邊隻邊隻平，而邊隻邊隻仲會因背靠祖國，所以仲有排升。我唔敢話佢地錯，因瘋狂的歲月不知何時了，無謂阻人發達，然而市況早已出現不少可能大跌的跡象：
1. 有客戶在股票行爭睇機而打交；
2. 股市升跌和股神輪神等新聞成為頭條或雜誌封面；
3. 股票機失靈，而電話無人接聽；
4. 全年集資金額多於總市值2%以上；
5. 壞消息當好消息炒，真正好消息就更要炒得再高；和
6. 無厘頭的收購合併又突然紛紛出籠（股仔變身）。



短期來看，散戶仍然在股市追升升股（即升完再升的股票），但在期市則追沽，因此短期大市未必咁快跌，但沽空金額似有緩緩上升之勢，有耐性者不妨等多一等。
記住，以上唔係我比你的投資建議，只係我做緊塘邊鶴，得閒發牙痕之嘛！