兩件大事

今個星期有兩件重要大事發生，所以好忙！
第一件大事，是小小輝小登科！
我大人投訴，我自己結婚都只請半日假，小小輝結婚我請了兩日假，十分偏心！可想而知，小小輝的地位幾重要 
雖然認識小小輝唔算好耐，但都叫做睇住佢在身邊由一個黃毛小子成長，並快步踏上成功的前途，因此都幾感觸，當中與他共同經歷過的片斷，這幾星期都不斷重複又重複，想得多，發覺原來自己好似老人家，認真弊。
當日要負責做兄弟，雖然整個婚禮有不少突發事情，然而還幸未真正影響整日行程和程序，都算順順利利。遺憾是當日做司儀表現不好，實在要好好檢討，但下次都係齋做兄弟好一點，因整天都擔心影響晚間表現，所以整日玩、食和飲都不敢去得太盡。，當然，在此都要再次祝福小小輝好好珍惜這份天賜良緣，白頭到老。

第二件大事，是小青青回港！
原本以為今年去唔成美國，今年便不能見到小青青。
然而世事難料，小青青突然家有白事，要回港幾天，因此難得又相聚。
小青青是我中學兼大學同學，可以算是由小識到大，因此是十分難得的死黨知己。我年輕的青春歲月，回想起來，九成的片斷也有他的參與，因此佢亦是我經常記掛的老死。所以，即使畢業後各散東西，但計計下，其實我地都差不多每年半左右便會見下面，加上ICQ/YM的出現，因此我仍經常感覺他時時在身邊，我估其實大家都頗掛住對方呢。
可能真係人年紀大了，所以對於老朋友的情誼份外珍惜。亦可能係人年紀大了，當一有大事準備發生，過往的片斷常快速飄過，難免令自己經常想得出神，都唔知係好事定壞事。可況一週裡有兩件大事，所以真係超忙。