FAQ時間

為甚麼我的blog叫森林裡的八號波？
用森林開頭，主要是因為現實社會，尤其香港，實在高樓大廈太多，是一個實實在在的石屎森林。
原本我是用十號波，即十號風球，因夠晒勁，但後來又好似覺得勁得滯，所以降回八號波啦，有假放得來又唔傷人。

點解我成日帶帽？
當然不是因為我喜歡扮側田，而是因為我假日不想Gel頭，等秀髮休息，又懶得梳頭，所以便帶帽算了。然而，不要隨便送帽比我（尤其綠帽 ），因我的頭形比較大和多角，因此不容易買適合的帽子。

成日講踢波，究竟我的球技如何？
一個字，屎。
所以你可以搵我找KT同事踢波，但不要寄望我踢，費事嚇親你地。

為何個blog咁多字？
幾個原因：
第一， 打字對我來說比較容易；
第二， 我唔識影相，所以無可能放好多相上blog；以及
第三， 我實在有太多野講，話題又深入，因此要好多字去解釋。

我是用甚麼輸入法？
我是用九方輸入法打文，十分易學，又打得快。

可不可以轉寄我的blog給其他朋友？
當然可以，但如要轉載在其他網站或報刊，請事先通知。

KT買唔買得過？
唔講得，因叫你買，你會以為我有甚麼內幕料；叫你放，你又可能傳通街，話高信管理層對自己公司也不樂觀，所以唔答好過答。

還有，從區域檢視記錄來看，此blog雖然只有大約25人經常到來，但比我發現入來者居然有來自中美洲、菲律賓、比利時及美國中部等地區，證明互聯網裡大把盲頭蒼蠅。
最後，提一提大家，FAQ = Frequently Asked Questions，即中文所謂的常見問題。