東記小廚

小小輝小登科個日，有幸到了其父所新開的餐館 ─ 東記小廚。

東記小廚是位於東涌黃龍坑村一號，在東涌道與黃龍坑道交界附近的一條短直路（地圖上是在一個地方叫灰窖下），唔熟路是相當難搵。可是，據世伯所講，可以到東涌站那處，有專車接送，但最好事先通知。



最開心的地方，是它那處保持住過往露天大排檔的風味，現時已經買少見少。
當日我們吃了乳豬、鹹蛋黃蝦、石班、生炒骨和炒菜，碟碟都在水準之上。
最難得是魚鮮、菜嫩和鍋氣夠，並無重味味精的感覺（唔知可不可以長期保持無味精呢？）。
世伯話咸蛋黃蝦唔夠多咸蛋，我話最合我高脂人士入肚（但我都只敢吃一隻）。

當然，這地方交通較不便，要長線大攪，可能需要搞搞附近的停車位。雖然該處無車出入，但比較大的車，掉頭會有點困難。同時泊位不足，好可能要租用前面的空地做臨時泊車場。
聽世伯講，現時晚市也頗旺，因附近無此風味的餐館，但日後附近可能起醫院，唔知會唔會沙塵多（但可能多班工友開飯）。
另外，由於屬大排檔性質，可能冬天比較冷和落雨無遮擋，因此應加些帳蓬防風擋雨。
價錢方面，我就不清楚，因為無睇過餐牌，加上該次是正宗免費午餐。
如果下次有機會再去，唔知撻小小輝的朵會不會送甜品和加八拆呢？