車仔必勝

本週英超重頭戲，是車路士作客對曼聯。
今屆英超，未到12月，已經好快去到只有雙雄爭霸的地步，暫時經過13輪比賽，曼聯領先車仔3分。至於其他以往爭標的份子，阿仙奴和利物浦，大幅落後，攻不堅，守不穩，不提也罷。

車仔經過季初各球員對新戰術的融合階段，現時已經開始成熟。以往車仔都是依靠定點球來策動攻勢，但憑著核彈頭和德國波的走動和傳送戰術，近期行軍效率明顯提高。只是魔鬼教頭在未對強隊前，每每只在領先下試幾十分鐘新戰術，相信對曼聯會出真章了。費格蛇，受死啦！


魔鬼教頭話贏夠兩球，大家識買啦（源自soccernet.com）

其實今年曼聯踢得不錯，難得蘇斯黑柴和史菇C復甦，C7又練成罰球秘技，同埋新人V剔發揮水準，所以打得很順。可是，從人腳方面，大家會知道曼聯後備兵不足（否則其他盃賽不會提早出局），因此未必可以捱到季尾。我係魔鬼教頭就一定搵人棘低幾件曼聯key men，咁就掂晒！

車仔暫時仍有機會邁向四冠王的道路，為了完成使命，今場必需要打低曼聯先得。這三分一來一回，相信會決定誰是今屆英超聯霸主。

努力呀，車仔！我會星期日坐定定同你打氣！