英超球迷最後衝刺

今個星期，算是英超球迷最後衝刺，因今晚有足總盃決賽，下週四凌晨有歐聯決賽。
今晚是車仔對曼聯，我當然捧車仔。講士氣如虹和人腳，曼聯仍然佔上風，但車仔球員屈住道氣咁耐，可能會打出身價波，殺過曼聯片甲不歸，捧過足總盃回來。
至於歐聯決賽，正逢公司卡拉OK大賽之後，可能可以約班同事一起睇決賽。
今次AC對利記，一定是利記贏。一來利記打四五一打得出色，二來利記贏車仔晉級，近年數據是贏車仔的球隊就會是最終冠軍，所以一於捧利記場，英超大晒！
希望賽果真的如我所料，那就稱心滿意喇！

PS明天週日，我地高信球隊又出場，今次是於馬鞍山出賽，時間是晚上六點，希望今次贏番場友誼賽啦。