向天開槍

澳門司警在五一勞動節的遊行示威中，向天開槍來控制示威人群，不單引至老婦跌倒，流彈亦誤傷途人，實在令人髮指。以下是對有關新聞中，不同人的意見反映：

老婦人：「我一聽到開槍聲，我腳都軟，未跌倒在地囉！咩人踩人呀？班警察就險些踩死我！」
受傷途人：「被流彈所傷未當是無妄之災，最衰是班護士，唔單止聯我的槍傷傷口，仲順道聯埋我把口，等我無聲出！」
遊行波：「原本都無踩親人，佢一開槍，大家便雞飛狗走，被人踩到腳趾瘀晒！」
賭場荷官：「今日開槍單數賠一點二，開槍雙數一賠一點八，傷人賠十，死人賠一百！買定離手！」
獵人昌：「話，我幾驚佢射中隻雀，你知喇，我射左幾年都只係打到幾隻笨豬！」
傳染病專科醫生：「話，如果佢唔小心打到隻雀落來，容咩易搞到澳門變疫埠！」
行為心理學專家L：「我相信佢是習慣用右手向上射！」
保險輝：「連遊行都咁高風險，又可以加保費，收多一點佣！」
軍火基：「等我入多點避彈衣和頭盔，咁大家下次遊行入定貨，未唔驚向天開槍囉！」
風水文：「一早講過啦，今年水火相剋，民與官鬥，小心小心啦！」