內幕交易

最近新聞講到內幕交易，提及到馬主李和電話梁單野，我地做金融的都份外留意。

其實，內幕消息這回事，只要有金融圈，就一定有。當中有堅有流，但能夠叫人身幾千萬，應該是十二分可靠的消息來源，方會引到人出咁大隻手，所以我相信電話梁絕不是由清潔阿嬸之類的閒人得到消息來源。

然而，以李家在環球財政經界都舉足輕重的地位，觀乎此新聞短時間內即被撲息（連狗仔隊都無到），便可一二，所以點燒都燒唔到佢。

本地證監在應付內幕交易案的效率明顯比美證監較慢，相信與本地證監權力較細有關。美國的證監和稅局唔同，自己帶槍，自己有法庭，話拉就拉，拉左先至算都得。本港就多要經過幾層官司方可定罪，所以要計過度過，有勝算，而罰則有番咁上下，先至值得去拉佢。

雖然近來本港都有內幕審裁處之類的東西，但我見他們都不是很活躍。如果佢地有一組自己的調查員，一星期只是去中環附近的食肆巡下，我包保佢地可以拉到幾十人，D case做到佢地得閒死都唔得閒病。

事實上，如果唔係電話梁咁勇，邊會搞到咁大獲，無厘醒目，真唔明點解佢咁有米。