千億遺囑

自從女首富過世後，城中的話題即由徐案轉到遺囑案，究竟大家點睇呢單案？

牛太：「其實七輝都未死，佢當然會回來爭家產啦！當年佢自己扮綁票失蹤，等人以後都綁佢唔到嘛！」

大頭洪：「有人話見到七輝在加拿大，可能佢回來拿回遺產罷？」

大人：「其實個風水師未係七輝囉，佢隱姓埋名後跟高人學了風水，再到變靚晒整整個樣，未再來拿走個1000億囉！」

事情發展到現在，似乎真係有個陳姓風水師出來爭產，不如等我分析一下大家提出的觀點。

首先，七輝是否死了？大家睇訃聞見七輝的名字無被括住，便以此為玄機。然而，我覺得這篇訃聞裡的標點符號作不得準。七輝如果未死，點解咁耐都唔現身？況且，連綁佢個班人都放了監，亦親口承認拋了七輝落海，故此我覺得七輝遇害過身的機會十分大。唯一生存的可能性，是七輝被沖到岸上，但失了憶或活動能力，因此不能回來，我想這是電影情節罷……
其次，七輝如果未死，又為何要攪到自己消失咁耐，點解？人家傳他穿黑幫櫃桶底，所以被人追斬。然而，如果佢真係穿人櫃桶底的話，我相信女首富都應該一同被追，無理由只追男不追女，因此此說不成立。唯一令我不明白是，點解當年女首富能如此容易拿這麼多現金出來比贖金？
至於七輝會否喬妝風水師，我相信機會好微。因為如果風水師真是七輝，女首富早就應該比晒D錢佢，唔洗搞咁多野。再加上，城中不少名人都說十幾年前已經認識此風水師，當年的變靚晒技術無咁高呱？

至於，最終遺產歸誰，相信事情發展好快便水落石出。因為從事情的發展來看，我相信必有一方知道自己在法律上的依據是理虧的，否則不會如此高調去處理這次事件。至於邊個高調D呢？大家估下喇。

老實說，千億元當然不是少錢，但你眼見曾經擁有這千億的人，在世時都惹來不少麻煩，這千億元都好似唔係好老黎。