悠長假期

今年四月，對香港的朋友來說，難得有長假期，大家會做咩？如果你未準備出埠，不妨考慮以下所介紹的精選假期團：
1. 睡覺團：相信有大部份朋友都想揀這個，但咁難得唔請假都有咁多日假期，就咁晒佢又好似浪費了，除非你可以經常換Sleeping Partners，哈哈！
2. 睇波團：難得這個長假期正踏正歐聯、歐協和英超等賽期，最適合約三五知己，一起睇波及吹水。我就當然支持車仔繼續邁向四冠王，同時祈求曼聯從此週開始不斷輸波，阿門！
3. 煲碟團：於長假期內，另一熱門玩意，就是煲碟。有咩碟好煲？最近好似好興那套「花樣少年少女」，不妨上youtube煲劇！另一套比較多人看的，是一套動畫「火影忍者」。如果兩套都唔夠，我向你推介不妨買套「逃」來看，或者看「死亡筆記」電影一、二集，都好好睇。
4. 探監團：當然唔係指去赤柱個隻，係去睇下班帶住細佬的老友記。何小B剛出世，我們可能會探探佢和他的父母。看見他們的苦況，便知道香港父母生活多艱難，一如比人判了無期徒刑。
5. 狂歡團：唱K、BBQ和劈酒等，實行一個紙醉金迷的復活之旅。這類狂歡團，最緊要是要有一集合地點，如某人家、唱K房或酒吧，然後各個朋友帶多一個半個新朋友，實行大集合盡慶，玩通頂後再好好睡一下。
6. 睇書團：雖然睇書未必需要長假期，但難得可以日以繼夜咁刨書，不妨租套金庸、哈里波特或長篇漫畫，因為這些長編小說和漫畫，很多都是愛不釋手之卷，一開始便很難停。
7. 運動團：踢波、打高球、行山、游水和保齡等，實行未到08北京奧運，先來07香港小奧運。當然，這類比較適合那些精力充沛的人士參加，我呢？都只是提議下之嘛。
8. 混合團：將以上幾團自由組合，實行包羅萬有、一網打盡。然而，此團較適合年輕人，否則體力可能有所不繼。

以上各團有平有貴、有動有靜、有男有女、各式其式，因此請隨便報名組團。至於我同大人呢？好大機會是混合團，最終唔知會唔會重辛苦過番工？