昨天剛剛看完黎明演唱會，正！
將飛好難找到，因為只得一場，發售首日我又去左海南島，所以搞到要找老細秘書去幫我找以公司的娛樂機構名義去撲飛，好彩最終都有，但給400元都要坐成13行。
遲半個鐘開場，早到十點半便收工，無跳舞，無安哥，講野多過唱，只得十八首歌，都收400元，係黎明先至敢，但仍然爆晒，吹咩！
成個演唱會整體製作一般，可能是一場關係，加上慈善演唱，經費有限，因此並沒有甚麼特別一點的製作、表演和排舞。
成個個唱的主題，就是黎明番唱四大天王的歌曲，加上重新編曲，令到首首歌都是黎明style，十分好聽。再加上，用一場紅館的晚上，塞滿了所有黎明Fans，令到氣氛十分好！（有咩黎明Fans？我地見到大人表姐一家人一齊來看，仲見到老友史提芬張老婆同佢哥哥。最厲害不單是見到幾個白髮的老人家一齊來，還見到一個帶住氧氣筒的老人家也要前來，你話黎明幾吸引！）
好久都無買個CD，好可能今次又要為黎天王破費，買番隻新碟聽聽！
沒有留言:
發佈留言